ҶУМҲУРИИ ТОҶИКИСТОН ҚАРОРИ МАҶЛИСИ ВАКИЛОНИ ХАЛҚИ ШАҲРИ ДУШАНБЕ
№ 49-5 аз 25 марти соли 2011
Дар бораи ҷонибдории ташаббуси умумиҷаҳонии экологии «Соати Замин»
Муроҷиати Фонди дастгирии ташаббусҳои шаҳрвандӣ № С-307 аз 25 марти соли 2011 баррасӣ намуда, бо мақсади дастгирии аксияи глобалии экологии Фонди Умумиҷаҳонии табиати вуҳуш (WWF, Австралия) бо номи «Соати Замин», ки аз тарафи зиёда аз 350 пойтахт ва шаҳрҳои калонтарини дунё ҷонибдорӣ гардида, рӯзи 26 марти соли 2011 гузаронида мешавад, мутобиқ ба талаботи моддаҳои 8 ва 9 Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ», Маҷлиси вакилони халқи шаҳри Душанбе,
ҚАРОР МЕКУНАД:
Аксияи глобалии экологии Фонди Умумиҷаҳонии табиати вуҳуш (WWF, Австралия) бо номи «Соати Замин» ҷонибдорӣ ва ҳамзамон муқаррар карда шавад, ки оид ба ҳамовозӣ ба аксияи мазкур рӯзи 26 марти соли 2011 аз соати 2030 то соати 2130 системаи равшанидиҳӣ ва рекламаву ороишоти илюминатсионӣ хомӯш ва аз соати 2200 то соати 2300 интиқоли қувваи барқ дар қаламрави шаҳри Душанбе, ба истиснои корхонаву муассисаҳои ҳаётан муҳим, ки дар фаъолияти онҳо манъи интиқоли барқ номумкин аст, қатъ карда мешавад.
Раиси
Маҷлиси вакилони
халқи шаҳри Душанбе М.Убайдуллоев