Раисиҷумҳури кишвар Эмомалӣ Раҳмон бо тарҳи навсозии бархе аз ҷодаҳои асосии шаҳри Душанбе ва сохтмони биноҳои нав дар марказ ва қисматҳое аз пойтахт ошно гашта, хостори иҷрои зудтари бархе онҳо шуд.

Бино ба тарҳи нав чанде аз кӯчаҳо васеъ хоҳанд шуд, то маҷрои афзояндаи ҳаракати нақлиёт дар Душанберо ғунҷонанд. Қарор аст, дар ду соли оянда дар маркази кившар 6 лоиҳаи сармоягузорӣ ба маблағи 91 миллион доллар амалӣ гардад. Ин дар ҳолест, ки бархе аз шаҳрвандон аз тарҳи нави шаҳр розӣ нестанд ва пешниҳодҳое садо медиҳанд, ки қисме аз биноҳои асосии маъмурӣ берун аз маркази шаҳр сохта шаванд.

«Озодӣ»