Фаррух Абдуллоев сокини 32 солаи ноҳияи Абдураҳмони Ҷомӣ бо ҷурми ба куштори тифли 6 солаи ин ноҳия боздошт карда шудааст.

Гуфта мешавад, ки номбурда қаблан бо ҳамин гуна ҷиноятҳо бо ҷавобгарӣ кашида шуда буд. Ба гуфтаи Рустам Шафиев сардори ШКД ноҳияи А. Ҷомӣ мавсуф шаби гузашта аз ноҳияи Рӯдакии совхози Русия боздошт шудааст.
Сокинони ноҳияи мазкур иброз медоранд, ки баъди боздошти ин маняк мардум каме осуда шуда, оромона зиндагӣ доранд. Субҳи имрӯз гумонбаршударо ба ҷойи вуқуи ҳодиса оварданд, шоҳидон мегӯянд, ки ӯ ба кирдорҳои содиркардаи худ иқрор шудааст.
Ҳодисаи мазкур аввалҳои моҳи январ рух дода буд. Баъди чанд рӯзи ин ҳодиса ҷасади он духтари ноболиғро пайдо карда буданд.
Гуфта мешавад, ки гумонбаршуда соли гузашта дар асоси қонуни авф аз маҳбас озод шудааст.