Рабудани дучархаи ноболиғ бо роҳи зӯрӣ

Сомонаи Вазорати корҳои дохилии кишвар аз боздошти як марди гумонбар бо роҳзанӣ хабар додааст.

Тибқи иттилои ин сайт, Як сокини 49 солаи деҳаи Қуштеппаи ноҳияи Рӯдакӣ ба ШВКД-1 дар ноҳияи Рӯдакӣ шикоят бурдааст, ки моҳи январи соли 2018, “Зокир” ном шахс бо тариқи зӯроварӣ аз писари ноболиғи 14-солааш, хонандаи синфи 7-уми МТМУ, як адад дучарха, ки арзишаш 1750-сомониро ташкил медиҳад, тасарруф намуда, аз ҷойи ҳодиса ғайб задааст.

Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 39-солаи сокини деҳаи Қуштеппа бо гумони ғоратгарӣ дастгир шудаааст. Дар робита  ба ин ҳодиса таҳқиқот идома дорад.